Молитва при недостатке или отсутствии молока для кормления младенца

Песнопения и молитва к Пресвятой Богородице при недостатке или отсутствии молока для кормления младенца

Икона Божией Матери «Млекопитательница»
pinterest button

Тропарь, глас 3

Без семене от Божественнаго Духа, волею же Отчею зачала еси Сына Божия, от Отца без матери прежде век суща, нас же ради из Тебе без отца бывша, плотию родила еси и Младенца млеком питала еси, темже не престай молити избавитися от бед душам нашим.

Кондак, глас 5

Душ наших чувствия очистиши, узрим на иконе таинство преславное, Творца вселенныя и Господа вышних сил, во объятиях держима и от сосцу Твоею яко Младенца питаема, и, со страхом и радостию покланяющеся Тебе и рождшемуся от Тебе Спасу нашему, воззовем: Радуйся, Владычице, жизни нашея Питательница.

Икона Божией Матери «Млекопитательница»
pinterest button Икона Божией Матери «Млекопитательница» unknown, Public Domain

Молитва при недостатке или отсутствии молока для кормления младенца

Приими, Госпоже Богородительнице, слезная моления рабов Твоих, к Тебе притекающих. Зрим Тя на святей иконе, на руках носящую и млеком питающую Сына Твоего и Бога нашего, Господа Иисуса Христа. Аще и безболезненно родила eсе Его, обаче матерния скорби веси и немощи сынов и дщерей человеческих зриши. Темже тепле припадающе к цельбоносному Гобразу Твоему и умиленно сей лобызающе, молим Тя, Всемилостивая Владычице: нас грешных, осужденных в болезнех родити и в печалех питати чада наша, милостйвно пощади и сострадательно заступи, младенцы же наша, такожде и родившия их от тяжкаго недуга и горькия скорби избави. Даруй нам здравие и благомощие, да и питаемии от силы в силу возрастати будут, и питающия их исполнятся радостию и утешением, яко да и ныне предстательством Твоим из уст младенец и ссущих Господь совершит хвалу Свою. О, Мати Сына Божия! Умило сердися на матери сынов человеческих и на немощныя люди Твоя: постигающия нас болезни скоро исцели, належащия на нас скорби и печали утоли и не презри слез и воздыханий рабов Твоих. Услыши нас в день скорби, пред иконою Твоею припадающих, и в день радости и избавления приими благодарная хваления сердец наших. Вознеси мольбы наша ко Престолу Сына Твоего и Бога нашего, да милостив будет ко грехом и немощем нашим и пробавит милость Свою ведущым имя Его, яко да и мы, и чада наша прославим Тя, милосердую Заступницу и верную, Надежду рода нашего, во веки веков. Аминь.

Молитвенное прошение при недостатке или отсутствии молока для кормления младенца

О Пресвятая Богородице, призри на мя и не лиши Твоего милосердия, прими молитву сию к Чудотворному Образу иконы Твоей, подаждь мне, пожалуйста, грудного молока прибавление для питания чада моего.

Величание

Величаем Тя, Пресвятая Дево, Млекопитательнице Спаса нашего, и чтим образ Твой святый, от негоже благодать исцеления нам присно подаеши.